अष्ट लक्ष्मी स्तोत्रम्
आदिलक्ष्मि
सुमनस वन्दित सुन्दरि माधवि, चन्द्र सहॊदरि हेममये
मुनिगण वन्दित मोक्षप्रदायनि, मञ्जुल भाषिणि वेदनुते ।
पङ्कजवासिनि देव सुपूजित, सद्गुण वर्षिणि शान्तियुते
जय जयहे मधुसूदन कामिनि, आदिलक्ष्मि परिपालय माम् ॥ 1 ॥
धान्यलक्ष्मि
अयिकलि कल्मष नाशिनि कामिनि, वैदिक रूपिणि वेदमये
क्षीर समुद्भव मङ्गल रूपिणि, मन्त्रनिवासिनि मन्त्रनुते ।
मङ्गलदायिनि अम्बुजवासिनि, देवगणाश्रित पादयुते
जय जयहे मधुसूदन कामिनि, धान्यलक्ष्मि सदापालय माम् [परिपालय माम्] ॥ 2 ॥
धैर्यलक्ष्मि
जयवरवर्षिणि वैष्णवि भार्गवि, मन्त्र स्वरूपिणि मन्त्रमये [जयवरवर्णिनि]
सुरगण पूजित शीघ्र फलप्रद, ज्ञान विकासिनि शास्त्रनुते ।
भवभयहारिणि पापविमोचनि, साधु जनाश्रित पादयुते
जय जयहे मधु सूधन कामिनि, धैर्यलक्ष्मी परिपालय माम् ॥ 3 ॥
गजलक्ष्मि
जय जय दुर्गति नाशिनि कामिनि, सर्वफलप्रद शास्त्रमये
रधगज तुरगपदाति समावृत, परिजन मण्डित लोकनुते ।
हरिहर ब्रह्म सुपूजित सेवित, ताप निवारिणि पादयुते
जय जयहे मधुसूदन कामिनि, गजलक्ष्मी रूपेण पालय माम् ॥ 4 ॥
सन्तानलक्ष्मि
अयिखग वाहिनि मोहिनि चक्रिणि, रागविवर्धिनि ज्ञानमये
गुणगणवारधि लोकहितैषिणि, स्वरसप्त भूषित गाननुते । [सप्तस्वर]
सकल सुरासुर देव मुनीश्वर, मानव वन्दित पादयुते
जय जयहे मधुसूदन कामिनि, सन्तानलक्ष्मी त्वं पालय माम् [परिपालय माम्] ॥ 5 ॥
विजयलक्ष्मि
जय कमलासिनि सद्गति दायिनि, ज्ञानविकासिनि गानमये
अनुदिन मर्चित कुङ्कुम धूसर, भूषित वासित वाद्यनुते ।
कनकधरास्तुति वैभव वन्दित, शङ्करदेशिक मान्यपदे
जय जयहे मधुसूदन कामिनि, विजयलक्ष्मी सदा पालय माम् [परिपालय माम्] ॥ 6 ॥
विद्यालक्ष्मि
प्रणत सुरेश्वरि भारति भार्गवि, शोकविनाशिनि रत्नमये
मणिमय भूषित कर्णविभूषण, शान्ति समावृत हास्यमुखे ।
नवनिधि दायिनि कलिमलहारिणि, कामित फलप्रद हस्तयुते
जय जयहे मधुसूदन कामिनि, विद्यालक्ष्मी सदा पालय माम् ॥ 7 ॥
धनलक्ष्मि
धिमिधिमि धिन्धिमि धिन्धिमि-दिन्धिमि, दुन्धुभि नाद सुपूर्णमये
घुमघुम घुङ्घुम घुङ्घुम घुङ्घुम, शङ्ख निनाद सुवाद्यनुते ।
वेद पूराणेतिहास सुपूजित, वैदिक मार्ग प्रदर्शयुते
जय जयहे मधुसूदन कामिनि, धनलक्ष्मि रूपेणा पालय माम् ॥ 8 ॥
Ashta Lakshmi Stotram
Aadi Lakshmi
Sumanasa vandita sundari Maadhavi,
Chandra sahodari hemamaye
Munigana vandita moksha pradaayani,
Manjula bhaashini vedanute
Pankaja vaasini deva supoojita,
Sadguna varshini shaantiyute
Jaya jaya he Madhusoodana kaamini,
Aadi Lakshmi paripaalaya maam ॥1॥
Dhanya Lakshmi
Ayikali kalmasha naashini kaamini,
Vaidika roopini vedamaye
Ksheera samudbhava mangala roopini,
Mantra nivaasini mantranute
Mangala daayini ambuja vaasini,
Devaganaashrita paadayute
Jaya jaya he Madhusoodana kaamini,
Dhanya Lakshmi sadaa paalaya maam ॥2॥
Dhairya Lakshmi
Jaya vara varshini Vaishnavi Bhaargavi,
Mantra svaroopini mantramaye
Suragana poojita sheeghra phala prada,
Gyaana vikaasini shaastranute
Bhava bhaya haarini paapa vimochini,
Saadhu janaashrita paadayute
Jaya jaya he Madhusoodana kaamini,
Dhairya Lakshmi paripaalaya maam ॥3॥
Gaja Lakshmi
Jaya jaya durgati naashini kaamini,
Sarva phala prada shaastramaye
Ratha gaja turaga padaati samaavrita,
Parijana mandita lokanute
Harihara Brahma supoojita sevita,
Taapa nivaarini paadayute
Jaya jaya he Madhusoodana kaamini,
Gaja Lakshmi roopena paalaya maam ॥4॥
Santana Lakshmi
Ayikhaga vaahini mohini chakrini,
Raaga vivardhini gyaanamaye
Guna gana vaaradhi loka hitaishini,
Sapta swara bhooshita gaananute
Sakala suraasura deva muneeshwara,
Maanava vandita paadayute
Jaya jaya he Madhusoodana kaamini,
Santana Lakshmi tvam paalaya maam ॥5॥
Vijaya Lakshmi
Jaya kamalaasini sadgati daayini,
Gyaana vikaasini gaanamaye
Anudina marchita kumkuma dhoosara,
Bhooshita vaasita vaadyanute
Kanaka dhaara stuti vaibhava vandita,
Shankara deshika maanya pade
Jaya jaya he Madhusoodana kaamini,
Vijaya Lakshmi sadaa paalaya maam ॥6॥
Vidya Lakshmi
Pranata sureshwari Bhaarati Bhaargavi,
Shoka vinaashini ratnamaye
Manimaya bhooshita karna vibhooshana,
Shaanti samaavrita haasya mukhe
Nava nidhi daayini kalimala haarini,
Kaamita phala prada hastayute
Jaya jaya he Madhusoodana kaamini,
Vidya Lakshmi sadaa paalaya maam ॥7॥
Dhana Lakshmi
Dhimidhimi dhindhimi dhindhimi-dindhimi,
Dundubhi naada supoornamaye
Ghumaghum ghunghuma ghunghuma ghunghuma,
Shankha ninaada suvaadyanute
Veda puraana itihaasa supoojita,
Vaidika maarga pradarshayute
Jaya jaya he Madhusoodana kaamini,
Dhana Lakshmi roopena paalaya maam ॥8॥
