श्री संकटमोचन हनुमान अष्टक
बाल समय रवि भक्ष लियो तब, तीनहुं लोक भयो अंधियारों।
ताहि सों त्रास भयो जग को, यह संकट काहु सों जात न टारो।
देवन आनि करी बिनती तब, छाड़ी दियो रवि कष्ट निवारो।
को नहीं जानत है जग में कपि, संकटमोचन नाम तिहारो।
बालि की त्रास कपीस बसैं गिरि, जात महाप्रभु पंथ निहारो।
चौंकि महामुनि साप दियो तब, चाहिए कौन बिचार बिचारो।
कैद्विज रूप लिवाय महाप्रभु, सो तुम दास के सोक निवारो।
को नहीं जानत है जग में कपि, संकटमोचन नाम तिहारो।
अंगद के संग लेन गए सिय, खोज कपीस यह बैन उचारो।
जीवत ना बचिहौ हम सो जु, बिना सुधि लाये इहां पगु धारो।
हेरी थके तट सिन्धु सबे तब, लाए सिया-सुधि प्राण उबारो।
को नहीं जानत है जग में कपि, संकटमोचन नाम तिहारो।
रावण त्रास दई सिय को सब, राक्षसी सों कही सोक निवारो।
ताहि समय हनुमान महाप्रभु, जाए महा रजनीचर मरो।
चाहत सीय असोक सों आगि सु, दै प्रभु मुद्रिका सोक निवारो।
को नहीं जानत है जग में कपि, संकटमोचन नाम तिहारो।
.
बान लाग्यो उर लछिमन के तब, प्राण तजे सूत रावन मारो।
लै गृह बैद्य सुषेन समेत, तबै गिरि द्रोण सु बीर उपारो।
आनि सजीवन हाथ दिए तब, लछिमन के तुम प्रान उबारो।
को नहीं जानत है जग में कपि, संकटमोचन नाम तिहारो।
रावन जुध अजान कियो तब, नाग कि फांस सबै सिर डारो।
श्रीरघुनाथ समेत सबै दल, मोह भयो यह संकट भारो।
आनि खगेस तबै हनुमान जु, बंधन काटि सुत्रास निवारो।
को नहीं जानत है जग में कपि, संकटमोचन नाम तिहारो।
बंधू समेत जबै अहिरावन, लै रघुनाथ पताल सिधारो।
देबिन्हीं पूजि भलि विधि सों बलि, देउ सबै मिलि मंत्र विचारो।
जाये सहाए भयो तब ही, अहिरावन सैन्य समेत संहारो।
को नहीं जानत है जग में कपि, संकटमोचन नाम तिहारो।
काज किए बड़ देवन के तुम, बीर महाप्रभु देखि बिचारो।
कौन सो संकट मोर गरीब को, जो तुमसे नहिं जात है टारो।
बेगि हरो हनुमान महाप्रभु, जो कछु संकट होए हमारो।
को नहीं जानत है जग में कपि, संकटमोचन नाम तिहारो।
।। दोहा। ।
लाल देह लाली लसे, अरु धरि लाल लंगूर।
वज्र देह दानव दलन, जय जय जय कपि सूर।।
जय श्रीराम, जय हनुमान, जय हनुमान।
Sankatmochan Hanuman Ashtak
Baal samay Ravi bhaksh liyo tab, teenhu lok bhayo andhiyaaro.
Taahi so traas bhayo jag ko, yah sankat kaahu so jaat na taaro.
Devan aani kari binati tab, chhaadi diyo Ravi kasht nivaaaro.
Ko nahin jaanat hai jag mein Kapi, Sankatmochan naam tihaaro.
Baali ki traas Kapis basai giri, jaat Mahaprabhu panth nihaaro.
Chaunki Mahamuni saap diyo tab, chahiye kaun bichaar bichaaaro.
Kai Dwij roop liyaay Mahaprabhu, so tum daas ke sok nivaaaro.
Ko nahin jaanat hai jag mein Kapi, Sankatmochan naam tihaaro.
Angad ke sang len gaye Siya, khoj Kapis yah bain uchaaro.
Jeevat naa bachihau hum so ju, bina sudhi laaye ihaan pagu dhaaro.
Heri thake tat sindhu sabe tab, laaye Siya-sudhi praan ubhaaro.
Ko nahin jaanat hai jag mein Kapi, Sankatmochan naam tihaaro.
Raavan traas daee Siya ko sab, raakshasi so kahi sok nivaaaro.
Taahi samay Hanuman Mahaprabhu, jaaye maha rajnichar maro.
Chaahat Siya Ashok so aagi su, daai Prabhu mudrika sok nivaaaro.
Ko nahin jaanat hai jag mein Kapi, Sankatmochan naam tihaaro.
Baan laagyo ur Lakshman ke tab, praan taje soot Raavan maaro.
Lai grih vaidy Sushen samet, tabai giri Dron su Veer uparro.
Aani Sanjeevan haath diye tab, Lakshman ke tum praan ubaaro.
Ko nahin jaanat hai jag mein Kapi, Sankatmochan naam tihaaro.
Raavan yudh ajaan kiyo tab, naag ki faans sabe sir daaro.
Shri Raghunaath samet sabe dal, moh bhayo yah sankat bhaaro.
Aani Khages tabai Hanuman ju, bandhan kaati sutraas nivaaaro.
Ko nahin jaanat hai jag mein Kapi, Sankatmochan naam tihaaro.
Bandhu samet jabai Ahiraavan, lai Raghunaath pataal sidhaaro.
Debinhi pooji bhali vidhi so bali, deu sabe mili mantra bichaaaro.
Jaaye sahaaye bhayo tab hi, Ahiraavan sainya samet sanhaaro.
Ko nahin jaanat hai jag mein Kapi, Sankatmochan naam tihaaro.
Kaaj kiye bad Devan ke tum, Veer Mahaprabhu dekhi bichaaaro.
Kaun so sankat mor gareeb ko, jo tumse nahin jaat hai taaro.
Beg hi haro Hanuman Mahaprabhu, jo kachu sankat hoy hamaaro.
Ko nahin jaanat hai jag mein Kapi, Sankatmochan naam tihaaro.
Doha
Laal deh laali lase, aru dhari laal langoor.
Vajra deh daanav dalan, Jai Jai Jai Kapi Soor.
Jai Shri Ram, Jai Hanuman, Jai Hanuman!
